2.10.03

Stiftamtmaðurinn enn á ferð!
Stiftamtmaðurinn ógurlegi er enn á ferð og honum er greinilega ekkert heilagt. Í síðustu bloggfærslu varaði ég Amazing Race - aðdáendur við því að skoða kommentin við bloggið þar á undan. Stiftamtmaðurinn hefur svo strækað á nýjan leik og í þetta sinn endurtekur hann hvaða lið sigraði í Amazing Race í kommentunum fyrir neðan bloggið sem ber heitið "ATHUGIÐ!!!". Ég vara því áhugasama við því að skoða það komment og bið Stiftamtmanninn jafnframt að láta hér við sitja og gott heita því annars á ég það á hættu að fólk einfaldlega hætti að skoða síðu þessa. Veit ég að Stiftamtmaður vill alls ekki að síða þessi leggi upp laupana og ráðlegg ég honum að beina kröftum sínum annað.
Virðingarfyllst,
Buffhrúturinn mikli.

1.10.03

ATHUGIÐ!!!
Gústi, Arnþór, Atli og þið hin sem horfið á Amazing Race, ég vil bara vara ykkur við því að skoða kommentin hérna fyrir neðan bloggið um Stiftamtmanninn. Hinn alræmdi Stiftamtmaður hefur nefnilega látið til skarar skríða og flett ofan af því hvaða þátttakendur báru sigur úr býtum í seríunni sem er nú verið að sýna á Stöð 2.
Sem sagt ekki skoða kommentin fyrir neðan bloggið um Stiftamtmanninn frá því fyrr í dag. Comprende?
Stiftamtmaðurinn
Aldrei að vita nema að það sé von á fleiru skemmtilegu frá hinum frábæra Stiftamtmanni sem hefur aldeilis vakið lukku í netheimum undanfarna daga.