Gefum honum von!

Ég verð að segja það að mig tekur sárt að horfa upp á þá meðferð sem félagi Kobbi hefur fengið í íslensku samfélagi undanfarna daga. Auðvitað gekk ekki sem skildi hjá kallinum í flokksvalinu (þrátt fyrir stuðning minn). Kobbi tók þó ósigrinum eins og maður og var að eigin sögn alls ekkert bitur (*hóst hóst hóst kjaftæði hóst*). Sjaldan hef ég séð eins bitran mann en hann má eiga það að hann gerði sitt besta til að halda kúlinu þegar hann mætti í viðtal með einhver þau glæsilegustu sólgleraugu sem sést hafa í langan tíma. Smekkmaður.
En örvæntið eigi, ég er sannfærður um að tími Kobba mun koma. Baráttumál hægri kratans mikla áttu kannski ekki upp á pallborðið hjá fáfróðum flokksmönnum Samfylkingarinnar en þeir eiga eftir að þroskast og sjáiði til Jakob Frímann Magnússon verður orðinn menntamálaráðherra árið 2007.