Bloggar kúlan?

Mér hefur borist fyrirspurn erlendis frá hvort að okkar ástsæla Kúla (R = 4 / 3 · r 3 · pí) haldi úti síðu þar sem hún reifar skoðanir sínar á köllum og málefnum.
Þannig er nú mál með vexti að síðan sumarið eftir að við útskrifuðumst úr MR eru þau skipti sem ég hef hitt Kúluna teljandi á annarri hendi og aldrei hefur mér dottið í hug að spyrja hana hvort hún sé farin að blogga. Ég mun þó gera það næst þegar ég rekst á hana á förnum vegi á háskólasvæðinu en fyrir þá sem ekki vita er Kúlan sest á skólabekk og stúderar nú félagsfræði og er því m.a. í hinu stórskemmtilega námskeiði aðferðafræði I þar sem hún lærir að reikna rúmmál Kúlu.