Byyyrjuuuum bardagaaaaaaaaaannnnnn!!!!!!!!

Í gær var haldin box sýning í Laugardalshöll. Þar áttust við Íslendingar og Bandaríkjamenn frammi fyrir 2000 áhorfendum og herma fregnir að Brad Pitt hafi verið í hópi áhorfenda. Þessar fréttir urðu mikilli geðshræringu meðal Gamalla Hrúta sem saman voru komnir í Partýhöll Sænskahrúts og Drífu systur hans að Kleifarvegi. Hrútar á borð við Steiktahrút og Svartasauð héldu vart vatni og drifu sig rakleiðis niðrí Laugardalshöll í þeirri von að "verða heppnir". Allt kom þó fyrir ekki, Pittarinn lét ekki sjá sig og vonsviknir Hrútar héldu heim og sváfu Pittlausir í rúmum sínum.
Íslendingarnir stóðu sig annars misvel í boxinu og unnu 2 af 6 bardögum. Skúli "Tyson" var magnaður og lét ógróið ökklabrot ekki aftra sér frá því að viðhalda þeirri hefð að Keflvíkingar berðu Kana. Hann átti hreint magnaða innkomu í hringinn og fór gjörsamlega á kostum þegar hann sýndi hinar ýmsu pósur að bardaganum loknum. Stjarna er fædd!
Annars fannst mér fáranlegt þegar verðlaunaafhendingin byrjaði. Kanarnir sem unnu sína bardaga gáfu Íslendingunum verðlaunin - hvað er það? Þetta var svona eins og þeir væru að segja: "Hérna þú mátt bara eiga verðlaunin auminginn þinn, þú átt hvort eð er aldrei eftir að vinna nein verðlaun". Annars er bara allt gott um þetta að segja, umgjörðin var góð og manni fannst maður ekki vera að horfa á box í höllinni, þetta var bara eins og Las Vegas.