Uppselt?

Ég heyrði í dag að það væri orðið uppselt í stúku á Coldplay-tónleikana 19. des. Ég veit ekki hvort að ég á að vera svekktur. Það kostar auðvitað einhvern 5000 kall og ég veit ekki hvort að fátækur námsmaður eins og ég hefði tímt því. Reyndar grunar mig að Sænskihrútur sé búinn að kaupa miða sem hann ætlar að gefa mér. Sá sænski var mjög dularfullur í dag. Hann sagðist luma á einhverju sem hann gæti ekki sagt mér en sagði að þetta kæmi allt í ljós eftir svona mánuð. Og hvað er eftir mánuð? Jú mikið rétt, það eru tónleikarnir. Ef þessi tilgáta mín reynist ekki rétt þá verð ég bara að láta mér nægja að hlusta á diskinn.