Feita barn

Í hádeginu fór ég ásamt nokkrum félögum mínum úr Fram í Sporthúsið í Kópavogi. Saman voru komnir ásamt mér þeir Andrew McCarthy, Taggart, Kokkurinn og Rikki Chang. Við byrjuðum á því að stíga á vigtina og fara í fitumælingu - þá hlaut ég enn eitt viðurnefnið, feita barn. Ekki svo að skilja að ég hafi verið þyngstur eða með mestu fituprósentuna, ó nei. En mönnum þykir gaman að kalla mig hinum ýmsu nöfnum, nægir þar að nefna "Dauði", "Meistarinn", "Buffið" o.fl. Kokkurinn gladdist mjög yfir því að Buffið skyldi vera með hærri fituprósentu en hann og fann einhverja þörf hjá sér til að skaprauna Buffinu með því að kalla það feitt barn.
Reyndar er ég með samsæriskenningu. Ég vil meina að vigtin sé vitlaust stillt til þess að mótivera fólk, þ.e. vigtin er vitlaust stillt svo að fólk fái áfall þegar það stígur á hana og fari svo alveg brjálað að lyfta og hlaupa á fullu. Annað hvort það eða ég er bara feitt barn.
Buffið lét þó ekki að sér hæða þegar komið var að því að mæla hámarksþyngdir í bekkpressu o.fl. Buffið fór létt með 95 kílóin og átti góða tilraun við 100kg. Þá var feita barnið ekki lengur feitt barn heldur pura BUFF!!! Hmm...yes.
Annars verð ég að segja að mér líst bara mjög vel á aðstöðuna í Sporthúsinu og ég minni á að ég er með nokkur kort til sölu á gjafaverði.
Hmm...yes.